ਗ਼ਜ਼ਲ - ਯਾਦਾਂ ਚੋਂ ਏਹ ਕੀ ਕਿਰਿਆ

ਗ਼ਜ਼ਲ - ਯਾਦਾਂ ਚੋਂ ਏਹ ਕੀ ਕਿਰਿਆ A Ghazal by: Jatinder Lasara

               ਗ਼ਜ਼ਲ      

ਯਾਦਾਂ ਚੋਂ ਏਹ ਕੀ ਕਿਰਿਆ, ਕੱਜਲ਼ੇ ਦੀ ਧਾਰ ਵਰਗਾ //

ਸੀਨੇ 'ਚ ਆਣ ਖੁੱਭਿਆ,  ਇੱਕ ਫੁੱਲ  ਕਟਾਰ  ਵਰਗਾ //

ਚੰਦਰੇ ਸਮਾਜ ਵਾਲੀ ਸਰਹੱਦ ਹੈ ਇਸ਼ਕ ਦੀ ਇਹ,

ਤੈਥੋਂ ਨੀ' ਟੱਪਿਆ ਜਾਣਾ, ਕੰਡਿਆਲੀ ਤਾਰ ਵਰਗਾ //

ਸੁਪਨੇ 'ਚ ਮੈਂ ਸੀ ਰਾਤੀਂ, ਇਤਿਹਾਸ ਰੋਂਦਾ ਤੱਕਿਆ,

ਸਦੀਆਂ ਦਾ ਕੋਈ ਰੋਗੀ, ਅੱਤ ਦੇ ਲਾਚਾਰ ਵਰਗਾ //

‍ਹੈ  ਵਸਤੂਆਂ  'ਚ  ਵਸਤੂ,  ਬੰਦਾ  ਮਸ਼ੀਨ  ਹੋਇਆ,

ਮੋਹ ਤੇਹ ਪਿਆਰ ਸਾਰੇ, ਕਰਦੈ ਵਿਓਪਾਰ ਵਰਗਾ //

ਇਹ ਆਖਦੈ ਜ਼ਮਾਨਾ,  ਗੁੱੜ ਨਾਲੋਂ ਇਸ਼ਕ ਮਿੱਠਾ,

ਲਗਦੈ ਲਸਾੜੇ ਨੂੰ ਏਹ, ਅੰਬ ਦੇ ਆਚਾਰ ਵਰਗਾ //

A Ghazal by: Jatinder Lasara

YadaN choN eh ki kiriya, kajle di dhaar varga//

Seene ch aan khubhiya, ik phull kataar varga//

chandre samajaN wali, sarhadd hai ishaq di eh

taithoN ni tappiya jana, kandiyali taar varga//

supne ch main si ratiN, itihas roNda takkiya,

sadiyaN da koi rogi, att de lachaar varga//

hai vastuaN ch vastu, banda machine hoyiya,

moh teh pyar saare , kardai viopaar varga//

eh akhdai zamana, gurh naloN ishaq mitha,

lagdai Lasare nu eh, amb de achaar varga//


A Ghazal by: Jatinder Lasara